21-ci əsr marketinq və satışın bir biri ilə sıx bağlı olduğu biznes mühiti tələb edir. Təəsüf  ki, bir çox sahibkarlıq subyektləri illərlə tək tərəfli kommunikasiya metodundan istifadə etmiş, insanlara öz istehsal etdikləri məhsul və ya xidmətləri təqdim etmişlər. Lakin müasir dövrün tələblərinə əsasən insanlar daha çox öz ehtiyaclarını qarşılamaq niyyətində olduğuna görə “nə istehsal etsəm sataram” anlayışı “nə istehsal edim ki satım” anlayışı ilə əvəzlənməkdədir.

Məhz buna görə də bütün sahibkarlar yüksək marketinq biliklərinə sahib olmalıdır. Ancaq bu biliklərə sahib olmaq satış üçün yetərli deyil. Satış qədim ənənəvi satış metodları dairəsindən çıxaraq öz özlüyündə qlobal yanaşma ehtiva edən bir fəaliyyətdir. Keyfiyyətli satıcı olmaq üçün mükəmməl bədən dili, nitq qabiliyyəti və s. kimi elementlər vacib predmentə çevrilmişdir. Bu səbəbdən sahibkarlar üçün marketinq və satışın birgə mənimsənməsi və başa düşülməsi olduqca vacibdir. Bu təlim satış, satış ustalığını özündə əks etdirən bədən dili, nitq qabiliyyəti, ünsiyyət, psixoloji faktorlar və eləcə də marketinq haqqında bütün ilkin məlumatları təlimdə iştrak edən biznesə yeni başlayan və ya müəyyən təcrübəsi olan sahibkarlara çatdıracaqdır.