Müasir dövrün vazkeçilməz və qaçınılmaz texnoloji yeniliyi olan rəqəmsallaşma artıq biznesə sirayət edib və marketinqdə dijitallaşma mərhələsinə qədəm qoyub. Bu səbəbdən rəqəmsal marketinq alətləri haqqında məlumat verilir və əsas alətlərindən biri olan sosial media təhlil edilir. Sosial mediada olan sosial şəbəkələr, onların işləyişi, strukturu izah edilir. Daha sonra sosial şəbəkələr vasitəsilə, xüsusilə facebook və instagram vasitəsi ilə reklamlar haqqında danışılır. Hər iki sosial şəbəkədə reklamın növləri, funksiyaları, istifadə məqsədləri nəzərdən keçirilir. Hər bir sosial şəbəkənin praktik olaraq bir birindən üstün və zəif cəhətləri vurğulanır. Hər bir sosial şəbəkə üçün reklam büdcəsinin müəyyən olunması, hədəf kütlənin seçilməsi, reklam üçün ən effektiv saatın müəyyənləşdirilməsi və nəhayət verilmiş reklamların effektivliyinin ölçülməsi üçün statistikanın analiz edilməsi haqqında danışılır.