Xəbərlər

Xaçmaz KOB İnkişaf Mərkəzi (KOBİM) tərəfindən "Antikorrupsiya" mövzusunda təlim keçirilib

Xaçmaz KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Xaçmaz KOB İnkişaf Mərkəzi (KOBİM) tərəfindən "Antikorrupsiya" mövzusunda təlim keçirilib. Sentyabrın 11-də təşkil olunan təlimdə Xaçmaz KOBİM-in eksperti tərəfindən antikorrupsiya anlayışı, korrupsiyanın özəl sektora təsiri, dövlət qurumları ilə əməkdaşlıq, normativ-hüquqi istinadlar, istifadə olunan beynəlxalq terminlər, kontekst anlayışı barədə məlumat verilib. Eyni zamanda 11 nəfər iştirakçının olduğu təlimdə korrupsiyaya qarşı mübarizə, etik davranış qaydaları, korrupsiya ilə əlaqədar hüquqpozmaların subyektləri barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Xaçmaz KOBİM tərəfindən göstərilən bütün xidmətlər ödənişsizdir.