Xəbərlər

Xaçmaz KOB İnkişaf Mərkəzi (KOBİM) tərəfindən "Müasir sosial media marketinqi" mövzusunda təlim keçirilib

Xaçmaz KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Xaçmaz KOB İnkişaf Mərkəzi (KOBİM) tərəfindən "Müasir sosial media marketinqi" mövzusunda təlim keçirilib. Sentyabrın 6-da təşkil olunan təlimdə Xaçmaz KOBİM-in eksperti tərəfindən sosial media marketinqin faydaları, strategiyaları, hədəf auditoriya, onların ortaq cəhətləri və sosial media uğurunu ölçmək metodları barədə məlumat verilib. Eyni zamanda 5 nəfər iştirakçının olduğu təlimdə sosial mediada düzgün marketinqin aparılması, buraxılmış səhvlərin aradan qaldırılması və nəticələrin təhlil edilməsi barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Xaçmaz KOBİM tərəfindən göstərilən bütün xidmətlər ödənişsizdir.