Xəbərlər

Xaçmaz KOB İnkişaf Mərkəzi (KOBİM) tərəfindən "Antikorrupsiya" mövzusunda təlim keçirilib

Xaçmaz KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Xaçmaz KOB İnkişaf Mərkəzi (KOBİM) tərəfindən "Antikorrupsiya" mövzusunda təlim keçirilib. Yanvarın 16-da təşkil olunan təlimdə Xaçmaz KOBİM-in eksperti tərəfindən etik mədəniyyət və şəffaflıq mexanizmləri, antikorrupsiya strategiyaları, hüquqpozmaların subyektləri, vəzifəli şəxsin öhdəlikləri və korrupsiyaya şərait yaradan hüquqpozmalar barədə ətraflı məlumat verilib. Eyni zamanda 6 nəfər iştirakçının olduğu təlimdə korrupsiya haqqında anlayış, maliyyə cinayətləri və korrupsiya arasındakı əlaqələr barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Xaçmaz KOBİM tərəfindən göstərilən bütün xidmətlər ödənişsizdir.