Xəbərlər

Xaçmaz KOB İnkişaf Mərkəzi (KOBİM) tərəfindən "Bədən dili və işgüzar etika" mövzusunda təlim keçirilib

Xaçmaz KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Xaçmaz KOB İnkişaf Mərkəzi (KOBİM) tərəfindən "Bədən dili və işgüzar etika" mövzusunda təlim keçirilib. Noyabrın 6-da təşkil olunan təlimdə Xaçmaz KOBİM-in eksperti tərəfindən bədən dilinin ünsiyyətdəki rolu, jest və mimikaların düzgün istifadəsi və qeyri-verbal siqnalların interpretasiyası barədə ətraflı məlumat verilib. Eyni zamanda 10 nəfər iştirakçının olduğu təlimdə işgüzar etikanın əsas prinsipləri, peşəkar mühitdə davranış standartları və etik qərarvermənin əhəmiyyəti barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Xaçmaz KOBİM tərəfindən göstərilən bütün xidmətlər ödənişsizdir.