Xəbərlər

Xaçmaz KOB İnkişaf Mərkəzi (KOBİM) tərəfindən "Biznesdə problemin həlli" mövzusunda təlim keçirilib

Xaçmaz KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Xaçmaz KOB İnkişaf Mərkəzi (KOBİM) tərəfindən "Biznesdə problemin həlli" mövzusunda təlim keçirilib. Noyabrın 26-da təşkil olunan təlimdə Xaçmaz KOBİM-in eksperti tərəfindən problemin təhlili və müəyyənləşdirilməsi, hədəf və məqsədlərin təyin edilməsi, potensial həll yollarının inkişaf etdirilməsi, həll yollarının qiymətləndirilməsi və seçilməsi barədə ətraflı məlumat verilib. Eyni zamanda 6 nəfər iştirakçının olduğu təlimdə nəticələrin qiymətləndirilməsi, müvəffəqiyyətin ölçülməsi və davamlı inkişaf barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Xaçmaz KOBİM tərəfindən göstərilən bütün xidmətlər ödənişsizdir.