Xəbərlər

Xaçmaz KOB İnkişaf Mərkəzi (KOBİM) tərəfindən "Biznesin ekoloji dəyərləndirilməsi" mövzusunda təlim keçirilib

Xaçmaz KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Xaçmaz KOB İnkişaf Mərkəzi (KOBİM) tərəfindən "Biznesin ekoloji dəyərləndirilməsi" mövzusunda təlim keçirilib. Yanvarın 15-də təşkil olunan təlimdə Xaçmaz KOBİM-in eksperti tərəfindən ətraf mühitin qorunması üçün biznes strategiyalarının optimallaşdırılması, ekoloji davamlılığın təmin edilməsi, biznesin ekoloji təsirinin analizi barədə ətraflı məlumat verilib. Eyni zamanda 5 nəfər iştirakçının olduğu təlimdə ekoloji risklərin idarə olunması, resursların effektiv istifadəsi və davamlı inkişaf meyarlarının tətbiqinə dair əsas anlayışlar, yaşıl texnologiyalar və onların tətbiqi barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Xaçmaz KOBİM tərəfindən göstərilən bütün xidmətlər ödənişsizdir.