Xəbərlər

Xaçmaz KOB İnkişaf Mərkəzi (KOBİM) tərəfindən "Əmək intizamı" mövzusunda təlim keçirilib

Xaçmaz KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Xaçmaz KOB İnkişaf Mərkəzi (KOBİM) tərəfindən "Əmək intizamı" mövzusunda təlim keçirilib. Dekabrın 23-də təşkil olunan təlimdə Xaçmaz KOBİM-in eksperti tərəfindən iş yerində davranış qaydaları, işçilərin hüquq və vəzifələri, əmək müqaviləsinə uyğunluğun əhəmiyyəti, intizamın qorunması yolları və intizamsızlığın nəticələri barədə ətraflı məlumat verilib. Eyni zamanda 5 nəfər iştirakçının olduğu təlimdə işgüzar etika və kollektiv əmək münasibətlərinin təşviq olunmasının vacibliyi, əmək intizamı məsuliyyəti, işəgötürənin öhdəlikləri barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Xaçmaz KOBİM tərəfindən göstərilən bütün xidmətlər ödənişsizdir.