Xəbərlər

Xaçmaz KOB İnkişaf Mərkəzi (KOBİM) tərəfindən "Etika və davranış" mövzusunda təlim keçirilib

Xaçmaz KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Xaçmaz KOB İnkişaf Mərkəzi (KOBİM) tərəfindən "Etika və davranış" mövzusunda təlim keçirilib. Dekabrın 17-də təşkil olunan təlimdə Xaçmaz KOBİM-in eksperti tərəfindən qərar qəbul etmə prinsipləri, iş mühitində etik davranış qaydaları, təşkilati dəyərlərin qorunması, münaqişələrin etik həlli üsulları, peşə etikası və onun tətbiqi barədə ətraflı məlumat verilib. Eyni zamanda 6 nəfər iştirakçının olduğu təlimdə liderlikdə etika, şəxsi və peşə məsuliyyətləri arasında balansın qorunması, həmkarlar və müştərilərlə münasibətlərin etik çərçivəsi barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Xaçmaz KOBİM tərəfindən göstərilən bütün xidmətlər ödənişsizdir.