Xəbərlər

Xaçmaz KOB İnkişaf Mərkəzi (KOBİM) tərəfindən "İnnovativ sahibkarlıq" mövzusunda təlim keçirilib

Xaçmaz KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Xaçmaz KOB İnkişaf Mərkəzi (KOBİM) tərəfindən "İnnovativ sahibkarlıq" mövzusunda təlim keçirilib. Dekabrın 24-də təşkil olunan təlimdə Xaçmaz KOBİM-in eksperti tərəfindən yaradıcı biznes ideyalarının inkişafı, texnologiyaların biznesə tətbiqi, startapların qurulması və maliyyələşdirilməsi, bazar ehtiyaclarına uyğun məhsul və xidmətlərin hazırlanması barədə ətraflı məlumat verilib. Eyni zamanda 5 nəfər iştirakçının olduğu təlimdə risklərin idarə edilməsi və rəqabət mühitində uğur qazanma strategiyaları, tədqiqatın məqsədi barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Xaçmaz KOBİM tərəfindən göstərilən bütün xidmətlər ödənişsizdir.