Xəbərlər

Xaçmaz KOB İnkişaf Mərkəzi (KOBİM) tərəfindən "İşgüzar etika" mövzusunda təlim keçirilib

Xaçmaz KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Xaçmaz KOB İnkişaf Mərkəzi (KOBİM) tərəfindən "İşgüzar etika" mövzusunda təlim keçirilib. Dekabrın 4-də təşkil olunan təlimdə Xaçmaz KOBİM-in eksperti tərəfindən etik prinsiplərin iş mühitində tətbiqi, dürüstlük, məsuliyyət, əməkdaşlıq və peşəkar davranışın əhəmiyyəti barədə ətraflı məlumat verilib. Eyni zamanda 10 nəfər iştirakçının olduğu təlimdə işgüzar etika anlayışı və əhəmiyyəti, işgüzar etikanın əsas prinsipləri, korporativ sosial məsuliyyət barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Xaçmaz KOBİM tərəfindən göstərilən bütün xidmətlər ödənişsizdir.