Xəbərlər

Xaçmaz KOB İnkişaf Mərkəzi (KOBİM) tərəfindən "İşgüzar etika" mövzusunda təlim keçirilib

Xaçmaz KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Xaçmaz KOB İnkişaf Mərkəzi (KOBİM) tərəfindən "İşgüzar etika" mövzusunda təlim keçirilib. Yanvarın 9-da təşkil olunan təlimdə Xaçmaz KOBİM-in eksperti tərəfindən peşəkar mühitdə davranış qaydaları, etik qərar qəbul etmə prosesi, düzgün ünsiyyət bacarıqları və konfliktlərin idarə edilməsi, işgüzar etikanın əsas prinsipləri barədə ətraflı məlumat verilib. Eyni zamanda 3 nəfər iştirakçının olduğu təlimdə komandada əməkdaşlığın gücləndirilməsi, fərdi məsuliyyət və korporativ dəyərlərin tətbiqi barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Xaçmaz KOBİM tərəfindən göstərilən bütün xidmətlər ödənişsizdir.