Xəbərlər

Xaçmaz KOB İnkişaf Mərkəzi (KOBİM) tərəfindən "İstehsal və tədarük planı" mövzusunda təlim keçirilib

Xaçmaz KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Xaçmaz KOB İnkişaf Mərkəzi (KOBİM) tərəfindən "İstehsal və tədarük planı" mövzusunda təlim keçirilib. Yanvarın 8-də təşkil olunan təlimdə Xaçmaz KOBİM-in eksperti tərəfindən istehsal prosesinin planlaşdırılması, xammal tədarükü və ehtiyatların idarə edilməsi, resursların effektiv paylanması və vaxt planlaması barədə ətraflı məlumat verilib. Eyni zamanda 11 nəfər iştirakçının olduğu təlimdə logistika zəncirinin optimallaşdırılması, sifarişlərin vaxtında icrası və keyfiyyətə nəzarət üsulları barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Xaçmaz KOBİM tərəfindən göstərilən bütün xidmətlər ödənişsizdir.