Xəbərlər

Xaçmaz KOB İnkişaf Mərkəzi (KOBİM) tərəfindən "Kənd təsərrüfatında maliyyə idarə edilməsi" mövzusunda təlim keçirilib

Xaçmaz KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Xaçmaz KOB İnkişaf Mərkəzi (KOBİM) tərəfindən "Kənd təsərrüfatında maliyyə idarə edilməsi" mövzusunda təlim keçirilib. Oktyabrın 28-də təşkil olunan təlimdə Xaçmaz KOBİM-in eksperti tərəfindən kənd təsərrüfatı müəssisələrinin maliyyə resurslarının planlaşdırılması, idarə olunması və optimallaşdırılması barədə ətraflı məlumat verilib. Eyni zamanda 8 nəfər iştirakçının olduğu təlimdə maliyyə planlaşdırması, büdcə tərtibi, dövlət dəstək proqramları və subsidiyalar, investisiya analizi və maliyyə risklərinin idarə edilməsi barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Xaçmaz KOBİM tərəfindən göstərilən bütün xidmətlər ödənişsizdir.