Xəbərlər

Xaçmaz KOB İnkişaf Mərkəzi (KOBİM) tərəfindən "Kompleks maya dəyərinin hesablanması forması" mövzusunda təlim keçirilib

Xaçmaz KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Xaçmaz KOB İnkişaf Mərkəzi (KOBİM) tərəfindən "Kompleks maya dəyərinin hesablanması forması" mövzusunda təlim keçirilib. Yanvarın 6-da təşkil olunan təlimdə Xaçmaz KOBİM-in eksperti tərəfindən xərclərin qruplaşdırılması, bölüşdürülməsi və məhsul vahidinə düşən xərcin hesablanması barədə ətraflı məlumat verilib. Eyni zamanda 7 nəfər iştirakçının olduğu təlimdə ümumi və dolayısı xərclərin paylanması və maliyyə analizlərinin tətbiqi üsulları, kompleks maya dəyərinin hesablanması, maya dəyərinin optimizasiyası və təhlili barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Xaçmaz KOBİM tərəfindən göstərilən bütün xidmətlər ödənişsizdir.