Xəbərlər

Xaçmaz KOB İnkişaf Mərkəzi (KOBİM) tərəfindən "Layihələrin təşkili və idarəolunması" mövzusunda təlim keçirilib

Xaçmaz KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Xaçmaz KOB İnkişaf Mərkəzi (KOBİM) tərəfindən "Layihələrin təşkili və idarəolunması" mövzusunda təlim keçirilib. Oktyabrın 23-də təşkil olunan təlimdə Xaçmaz KOBİM-in eksperti tərəfindən layihənin planlaşdırılması, resursların düzgün bölüşdürülməsi və icrası proseslərinin idarə olunması, layihə idarəetmə mərhələləri barədə ətraflı məlumat verilib. Eyni zamanda 13 nəfər iştirakçının olduğu təlimdə risklərin qiymətləndirilməsi, maraqlı tərəflərin idarəolunması və layihə nəticələrinin ölçülməsi barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Xaçmaz KOBİM tərəfindən göstərilən bütün xidmətlər ödənişsizdir.