Xəbərlər

Xaçmaz KOB İnkişaf Mərkəzi (KOBİM) tərəfindən "Liderlik" mövzusunda təlim keçirilib

Xaçmaz KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Xaçmaz KOB İnkişaf Mərkəzi (KOBİM) tərəfindən "Liderlik" mövzusunda təlim keçirilib. Noyabrın 21-də təşkil olunan təlimdə Xaçmaz KOBİM-in eksperti tərəfindən liderlik anlayışı, onun mahiyyəti və təşkilati mühitdə əhəmiyyəti, liderlik növləri, xüsusiyyətləri, effektiv liderin davranış modelləri və komanda idarəetməsində rolu barədə ətraflı məlumat verilib. Eyni zamanda 8 nəfər iştirakçının olduğu təlimdə liderlik bacarıqlarının inkişafı, qərar qəbuletmə prosesində liderin rolu və təşkilatın strateji məqsədlərinə nail olmaqda liderliyin təsiri, adaptiv liderlik modeli barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Xaçmaz KOBİM tərəfindən göstərilən bütün xidmətlər ödənişsizdir.