Xəbərlər

Xaçmaz KOB İnkişaf Mərkəzi (KOBİM) tərəfindən "Məhsulun maya dəyərinin hesablanması" mövzusunda təlim keçirilib

Xaçmaz KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Xaçmaz KOB İnkişaf Mərkəzi (KOBİM) tərəfindən "Məhsulun maya dəyərinin hesablanması" mövzusunda təlim keçirilib. Martın 12-də təşkil olunan təlimdə Xaçmaz KOBİM-in eksperti tərəfindən məhsulun maya dəyərinin hesablanması, xammal dəyəri barədə ətraflı məlumat verilib. Eyni zamanda 13 nəfər iştirakçının olduğu təlimdə maya dəyərinin istehsal və xidmət sahələrində fərqləri, əmək haqqı xərcləri barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Xaçmaz KOBİM tərəfindən göstərilən bütün xidmətlər ödənişsizdir.