Xəbərlər

Xaçmaz KOB İnkişaf Mərkəzi (KOBİM) tərəfindən "Onlayn biznes ideyalar" mövzusunda təlim keçirilib

Xaçmaz KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Xaçmaz KOB İnkişaf Mərkəzi (KOBİM) tərəfindən "Onlayn biznes ideyalar" mövzusunda təlim keçirilib. Fevralın 24-də təşkil olunan təlimdə Xaçmaz KOBİM-in eksperti tərəfindən onlayn biznes ideyalarının formalaşdırılması və qiymətləndirilməsi, onlayn biznesin əsas prinsipləri, bazar araşdırması, rəqəmsal marketinq strategiyaları və müştəri cəlb etmə üsulları barədə ətraflı məlumat verilib. Eyni zamanda 7 nəfər iştirakçının olduğu təlimdə onlayn biznesin qurulması və inkişaf strategiyaları, e-ticarət platformalarının seçimi, sosial mediada brend qurmaq və gəlirliliyi artırmaq yolları barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Xaçmaz KOBİM tərəfindən göstərilən bütün xidmətlər ödənişsizdir.