Xəbərlər

Xaçmaz KOB İnkişaf Mərkəzi (KOBİM) tərəfindən "Psixomotivasiya" mövzusunda təlim keçirilib

Xaçmaz KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Xaçmaz KOB İnkişaf Mərkəzi (KOBİM) tərəfindən "Psixomotivasiya" mövzusunda təlim keçirilib. Noyabrın 15-də təşkil olunan təlimdə Xaçmaz KOBİM-in eksperti tərəfindən motivasiyanın psixoloji əsasları, daxili və xarici motivatorların fərqi, hədəflərə çatmaq üçün fərdi və qrup motivasiyası strategiyaları barədə ətraflı məlumat verilib. Eyni zamanda 7 nəfər iştirakçının olduğu təlimdə emosional intellektin motivasiya üzərindəki təsiri və motivasiyanı artırmaq üçün praktiki üsullar, Plasebo effekti barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Xaçmaz KOBİM tərəfindən göstərilən bütün xidmətlər ödənişsizdir.