Xəbərlər

Xaçmaz KOB İnkişaf Mərkəzi (KOBİM) tərəfindən "Satış bacarıqları" mövzusunda təlim keçirilib

Xaçmaz KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Xaçmaz KOB İnkişaf Mərkəzi (KOBİM) tərəfindən "Satış bacarıqları" mövzusunda təlim keçirilib. Dekabrın 16-da təşkil olunan təlimdə Xaçmaz KOBİM-in eksperti tərəfindən müştəri davranışları və psixologiyasını anlamaq, effektiv ünsiyyət bacarıqları, satış prosesi və texnikaları, satış planının müəyyən olunması barədə ətraflı məlumat verilib. Eyni zamanda 7 nəfər iştirakçının olduğu təlimdə etirazlara qarşı yanaşma, müştəri ehtiyaclarını müəyyənləşdirmək və satışın həyata keçirilməsi barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Xaçmaz KOBİM tərəfindən göstərilən bütün xidmətlər ödənişsizdir.