Xəbərlər

Xaçmaz KOB İnkişaf Mərkəzi (KOBİM) tərəfindən "Satış proqnozu. Praktik iş" mövzusunda təlim keçirilib

Xaçmaz KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Xaçmaz KOB İnkişaf Mərkəzi (KOBİM) tərəfindən "Satış proqnozu. Praktik iş" mövzusunda təlim keçirilib. Fevralın 10-da təşkil olunan təlimdə Xaçmaz KOBİM-in eksperti tərəfindən bazar təhlili, satış məlumatlarının analizi, mövsümi və trend analizi, eləcə də risklərin qiymətləndirilməsi barədə ətraflı məlumat verilib. Eyni zamanda 13 nəfər iştirakçının olduğu təlimdə proqnoz metodları, məlumatların vizuallaşdırılması, satış strategiyalarının optimallaşdırılması və qərar qəbuletmə prosesində analitik yanaşmalar barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Xaçmaz KOBİM tərəfindən göstərilən bütün xidmətlər ödənişsizdir.