Xəbərlər

Xaçmaz KOB İnkişaf Mərkəzi (KOBİM) tərəfindən "Ünsiyyət bacarıqları və işgüzar etika" mövzusunda təlim keçirilib

Xaçmaz KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Xaçmaz KOB İnkişaf Mərkəzi (KOBİM) tərəfindən "Ünsiyyət bacarıqları və işgüzar etika" mövzusunda təlim keçirilib. Noyabrın 4-də təşkil olunan təlimdə Xaçmaz KOBİM-in eksperti tərəfindən effektiv ünsiyyətin əsasları, dinləmə bacarıqları və qarşılıqlı əlaqənin inkişaf etdirilməsi, effektiv yazılı ünsiyyət, qeyri-verbal ünsiyyət barədə ətraflı məlumat verilib. Eyni zamanda 6 nəfər iştirakçının olduğu təlimdə işgüzar etikanın prinsipləri, peşəkar davranış qaydaları və iş mühitində etik qərar qəbul etmənin önəmi, empatiya göstərmək, şəbəkələşmə bacarıqları, emosional zəka (EQ) barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Xaçmaz KOBİM tərəfindən göstərilən bütün xidmətlər ödənişsizdir.