Xəbərlər

Xaçmaz KOB İnkişaf Mərkəzi (KOBİM) tərəfindən "Yaşıl iqtisadiyyat" mövzusunda təlim keçirilib

Xaçmaz KOBİM tərəfindən təlim keçirilib Kiçik və Orta Biznesin İnkişafı Agentliyinin (KOBİA) Xaçmaz KOB İnkişaf Mərkəzi (KOBİM) tərəfindən "Yaşıl iqtisadiyyat" mövzusunda təlim keçirilib. Noyabrın 7-də təşkil olunan təlimdə Xaçmaz KOBİM-in eksperti tərəfindən yaşıl iqtisadiyyatın əsas prinsipləri, ekoloji dayanıqlıq və təbii resurslardan səmərəli istifadə strategiyaları barədə ətraflı məlumat verilib. Eyni zamanda 7 nəfər iştirakçının olduğu təlimdə karbon emissiyalarının azaldılması, təmiz enerji mənbələrinə keçid və sosial-iqtisadi inkişaf arasında tarazlığın təmin edilməsi yolları, "Eko-biznes" üçün potensial istiqamətlər, "Eko-biznes"in alətləri: eko-innovasiya, enerji səmərəliliyi, orqanik kənd təsərrüfatı, eko-sistem üzrə xidmətlər barədə danışılıb. Sonda iştirakçıların mövzu ilə bağlı sualları cavablandırılıb. Qeyd edək ki, Xaçmaz KOBİM tərəfindən göstərilən bütün xidmətlər ödənişsizdir.